Një epokë e re po nis për kombëtaren braziliane, e cila do të ketë në krye një nga trajnerët më të suksesshëm të futbollit botëror – Carlo Ancelottin.

Italiani tashmë ka marrë rrugën drejt Brazilit dhe nga e hëna do të marrë detyrën si trajner i kombëtares braziliane, shkrua Arbresh.info.

Lajmin e ka bërë të ditur gazetari i njohur Fabrizio Romano.

Në postimin e tij, Romano shkruan se Ancelotti do të nisë menjëherë punën me ekipin dhe pritet që së shpejti të shpallë listën e parë të futbollistëve të grumbulluar.

Me një karrierë të lavdishme në krye të klubeve të mëdha si Milan, Chelsea, PSG dhe Real Madrid, 64-vjeçari Ancelotti synon t’i rikthejë Brazilit lavdinë e dikurshme dhe të sjellë një frymë të re fituese në rrugëtimin drejt Copa América dhe Kupës së Botës 2026.

Dy ndeshjet e para të Carlos me Brazilin janë në qershor me Ekuadorin dhe Praguajin./Arbresh.info